વજન ઘટાડવા ડાયટ અને વર્ક આઉટ બન્ને જરૂરી છે. પરંતુ આપણે મોટેભાગે ખાવા પર કંટ્રોલ કરીયે છીએ, અને સલાડ અને અન્ય ડાયટ ફૂડ ડ્રાય કરીયે છીએ
પરંતુ જો તમે ડાયટિંગ કરી રહ્યા છો તો બીટરૂટ ટિક્કી બનાવી શકો છો. હેલ્ધીની સાથે ટેસ્ટ પણ જળવાઈ રહેશે. તમે ગમે ત્યારે નાસ્તમાં આ ટિક્કી બનાવી શકો છો જે 7-10 મિનિટમાં બની જાય છે. જાણો રેસીપી
3-4 સમારેલ બીટ, 2 સમારેલ ડુંગળી, 1 બાઉલ બાફેલા બટાકા, 1/4 ચમચી આદુની પેસ્ટ, સ્વાદ અનુસાર મીઠું, 1/4 લીલા મરચાની પેસ્ટ, 1 ચમચી સીંગદાણા, 1/2 કપ ચોખાનો લોટ અને થોડા ફુદીનાના પાન
સૌ પ્રથમ ઉપર આપેલ બધી સામગ્રીને સમારી લો, એક બાઉલમાં બીટ છીણીને નાખો, તેમાં સમારેલ ડુંગળી મિક્ષ કરો.
મેશ કરેલ બાફેલા બટાકા, ચમચી આદુની પેસ્ટ, લીલા મરચાની પેસ્ટ, સીંગદાણા, ચોખાનો લોટ અને થોડા ફુદીનાના પાન ઉમેરો.
બધી સામગ્રીને સારી રીતે મિક્ષ કરીને ટિક્કીનો શેપ આપો, આમ બધી ટિક્કી બનાવી લો, એક પેન ગરમ કરો તેમાં ટિક્કીને બન્ને સાઈડ શેલો ફ્રાય કરી લો.
ટિક્કીમાં જરૂર પડે તો બન્ને સાઈડ પર થોડું તેલ છાંટો. અને સારી રીતે કુક કરીને ફુદીના ની ચટણી અથવા દહીં સાથે સર્વ કરો.